Written by: Public Information Project Management
Boko Haram dey for North
Dey bomb,
Dey harass.
MEND dey for Niger Delta
Dey maja.
MASSOB dey for East
Dey maintain.
OPC dey for West
Dey operate.
Militants full everywhere
Dey maintain levels.
Security dey shake shake
Dey find shelter.
Independence day waka dey come,
Abuja come get as e be.
But Presido must collect salute,
Him must deliver speech,
Long long speech,
Madam sef must wear heavy headtie.
But Presido no wan hear
Say dem shoot bird,
Di pickin fly away.
Dat day come come,
Dem comot property
For inside Presido parlour,
Dem call soldier and police,
Dem parade, Presido collect salute,
Madam headtie dey hala,
Presido deliver long long speech.
As independence day pass,
One newspaper for Lagos write something,
Security come dey show working,
Security shakara come full Lagos.