Written by: Chovwe Inisiagho-Ogbe
Trouble dey for Naija
The government just dey sleep
People just dey cry
Na so so darkness
From NEPA to Powerholding
New wine wey nor change
Poorman go ever suffer
Yes ooo wahala dey borku!
The government just dey stubborn
People just dey wonder
All roads get potholes
From Lagos to Benin
The Ogas na to fly
No need to make repairs
Yes ooo wahala dey yafunyafun !
The government just dey jolly
People nor fit chop
Food don become gold
Person nor fit go market
Upon all the vote
And the fake promises
Yes ooo wahala dey well well !
The government nor dey shake body
People nor go hospital
Doctor don finish
Not to talk of medecine
Dem nor go school sef
Pikins hardly learn
Yes ooo wahala dey multiple!